(ابراهيم الحكمي):
برفع قضيه على الدنيا ومافيها ... واول قضيه برفعها على حالي
وبشعل النار في نفسي واطفيها ... خلاص مليت والله تعبت احوالي
(ساندرا):
انا متأكده انك ماتسويها ... انا متأكده منك ياهوا بالي
نارك حبيبي اعرف شلون اطفيها .. واعرف انا شلون تهدا يابعد حالي
(ابراهيم الحكمي):
يا فارع الطول لا يمكن اعديها ... الزله اللي تجي من الصاحب الغالي
مليت ها الناس اجاملها واداريها ... كله على حساب نفسي زاد غربالي
(ساندرا):
تثور دايم على الدنيا و مافيها ... وبعد دقيقه واقل شوي تصفالي
العاده هذي ياليتك تخليها .. تظلم وتغلط وترجع تعتذر تالي
(ابراهيم الحكمي):
خلاص ماني مكحلها ابعميها ... بحوسها واقبل الاول على التالي
لاتقول مقدر اسويها اسويها ... تدري وانا ادري اسوي على بالي
(ساندرا):
انا اترجاك كحلها لا تعميها ... لاتثور وتحرق اعصابك على الخالي
سوالف الليل نهار الحب يمحيها ... باكر تجيني ويهدا موجك العالي
